Tento con esta entrada dúas cousas: unha , volver a escribir, dúas, adestrar con método e disciplina. E é que a miña vida tivo tantos sobresaltos que non podía nin quería facer ningunha das dúas cousas mencionadas.
Agora teño un reto deportivo o maratón de Valencia que se vai celebrar o 17 de novembro. Este é o plan A xa que tamén teño plan B por se non se dan as premisas para poder levar a cabo o primeiro plan. O que teño claro é que antes de rematar o ano quero correr o meu sexto maratón.
E cal é o plan B? pois o maratón de Porto que se celebra quince días antes ( o 6 de novembro). E cales son as premisas? Pois que nos respeten as lesións, que poida adestrar sen problemas e que ata Valencia tamén viaxen os meus compañeiros e amigos Taninos . Apetéceme moito repetir a experiencia de ir co equipo a un maratón e convivir con eles a preparación, a carreira, a postcarreira... Se por calquera cousa ao final non deciden ir a Valencia, entón decantaríame por Porto, pois o desprazamento é moito máis doado e alí tamén contaría con compañía da familia e compañeiros de adestarmento en Vigo.
O importante é voltar e niso estou , de feito xa iniciei o plan pero como estamos no verán e cústame correr coa calor aínda non estou a tope, mais estamos no bo camiño.
2 comentarios:
Semella que andamos no mesmo. Se fora posible tamén tratarei de ir a Porto. Saúde e quilómetros.
Moi ben!!!
Moito ánimo novamente.
Saú2 de Rama
Publicar un comentario