27/01/08

Quen dixo que ía a ser fácil ?

Terceira semana de adestramento e as lesións están deixando ao club sen efectivos: Tino,Rubén,Gonzalo e esta semana David,non adestraron polos seus respectivos problemas físicos.
Só Edu e eu mantivemos a chama prendida adestrando todos os días.Dani faltou o mércores e o venres por motivos laborais.
Polo demais non houbo novidades de resaltar.O domingo fomos,unha vez máis a Salvaterra a facer a tirada longa de quilómetros,e esta vez si nos respetou o tempo, o sol fixo acto de presencia,o que nos permitiu facer máis quilómetros na hora e media de carreira que temos no programa.Destacar que fixemos quilómetros cun corredor portugués que se sumou a nós para facer os seus quilómetros. Estivonos contando as súas experiencias nas carreiras e nós correspondimos contando as nosas. Creo que sempre que vaiamos a Salvaterra o imos a atopar xa que me preguntou cando e a que hora acostumabamos a correr por Salvaterra.Está ben isto de facer colegas corredores!!! Bem-vido amigo Francisco!!!(que así se chama).
Espero que esta semana se vaian incorporando os lesionados,que as lesións deixen de amolar e que poidamos seguir disfrutando da compañía dos colegas e do atletismo!!.

E nunca a ocasión foi a mellor para desexar: SAÚDE E QUILÓMETROS!!!

21/01/08

Xa somos internacionais

O domingo 20 de xaneiro do 2008 pasará a historia do TANINOS' RUNNERS por ser a primeira vez que saímos das nosas fronteiras para correr.
Os 15 quilómetros de Viana do Castelo puxeron o "broche" dourado á segunda semana de adestramentos que se caracterizou pola ausencia dos lesionados Tino,Rubén e Gonzalo (o esforzo fai mella!!!) aos que desexamos unha pronta recuperación.

O domingo foi o gran día, saimos en caravana dende Ponteareas sobre as 9:15 e unha hora despois xa estabamos en Viana. Entre aparcar,recoller,os dorsais e quentar, botousenos o tempo enriba,tal vez teriamos que ter chegado unha media hora antes (esta foi para aprender!!).
As 10:30 (hora lusa) comenzou a carreira e a selección xa se fixo na saída: Dani e Edu foron por diante e David e máis eu por detrás.
Saímos moi rápidos,nos dous primeiros quilómetros pasamos por debaixo de 8 min. e particularmente este esforzo pagueino,xa que no quil. 5 empecei a descolgarme de David, por diante Dani e Edu ( con quen nos cruzabamos nalgunhas zonas do recorrido) seguian xuntos.Pensei que me ían a meter unha minutada pero enseguida me decatei que David tampouco estaba para "tirar foguetes". A cada paso pola metade do recorrido recibiamos os ánimos dos acompañantes nesta aventura Tino,Ana e Mónica, (ás famílias de Edu e Dani,que tamén nos acompañaron, non as vin en todo o recorrido pero seguro que tamén animaron o seu))que ademais se encargaron da reportaxe fotográfica, ánimos que facían falta por que a cousa se estaba a poñer difícil. No quilómetro 11 conseguín pórme ao carón de David no 13 intentei irme, pero na costa do derradeiro quilómetro paguei o esforzo e David pasoume como un foguete, pegueime a el e no sprint foi máis rápido.
Na outra guerra,según me contaron despois Dani,impúxose a Edu tamén no sprint, non antes de que Edu intetara escaparse sen exito.
Despois de recuperar forzas e da ducha fomos a comer,como non,un bacallau regado con viño verde.
En resumo unha boa experiencia: día soleado,recorrido non moi duro,boa compañía...
Voltaremos!!!!
Podedes ver as fotos na ligazón : fotos carreiras.
Clasificacións:
www.mmviana.com/maratona/class_geral.pdf

16/01/08

Carreira de Viana





Aquí vos poño o recorrido e o perfil da carreira de Viana, como se pode apreciar é bastante planiña, hai unha subida entre os quilómetros 3 e 4 polo demais semella ser pouco esixente.
O domingo o comprobaremos

ESTATUTOS DO CLUB

Copio e pego o comentario que fixo David no anterior "post". Este "post" pretende que vaiades dando a vosa opinión sobre os Estatutos do grupo.


POR FIN ME ANIMO A ESCRIBIR. Y COMO LO PROMETIDO ES DEUDA, EMPEZARE POR INICIAR EL DEBATE SOBRE LOS TAN "CACAREADOS" ESTATUTOS:

ESTATUTOS

ARTICULO 1: NUESTRO CLUB SE DENOMINARA "CLUB DE CORREDORES HAY QUE DARLO TODO" CUYOS MIEMBROS FUNDADORES SON: TINO, EDUARDO, DANI, RUBEN, FERNANDO, JOSE Y DAVID

ARTICULO 2: EL OBJETO DEL CLUB ES LA PREPARACION Y PARTICIPACION EN LAS CARRERAS POPULARES, CON ESPECIAL DEDICACION A LA VIG-BAY Y A LA MAPOMA.

ARTICULO 3: EL UNIFORME ATLETICO PARA LAS CARRERA SERÁ UNA CAMISETA LO MAS RECHAMANTE POSIBLE, PARA CUYA ELECCION SE REQUERIRA MAYORÍA SIMPLE

ARTICULO 4: EL SALUDO ATLETICO QUE SE INSTAURARÁ SERA EL DE "SAUDE E QUILÓMETROS" POR AUNAR DOS CARACTERISTICAS QUE SE QUIEREN RESALTAR CON EL EJERCICIO ATLETICO

ARTICULO 5 Y SGTES: SE REDACTARAN CON LAS APORTACIONES DE LOS DEMAS INTEGRANTES DEL CLUB

ANIMAROS Y VEREIS QUE CHULADA DE ESTATUTO VA A SALIR

DAVID

14/01/08

Primeira semana de adestramento

Despois de rematar a primeira semana de adestramento so podo decir unha cousa: estamos tolos!!!!.
o martes 8 de xaneiro empezamos o plan de adestramento previsto,na hora fixada estabamos todos os candidatos comprometidos con esta aventura (David,Edu,Tino,Rubén,Fernando, Gonzalo máis eu, faltaba Dani que por motivos de traballo non estaba en Ponteareas).A miña crónica dese adestramento resúmese en poucas palabras: dor,sufrimento,agotamento.
Ao día seguinte a cousa foi un pouco mellor coa axuda de Adonis (que se uniu a nós ese día) puiden realizar o adestramento máis cómodo. Os demais, incluído Dani que esta vez si estaba, andan como "motos", algún se pensa que a maratón é a semana que vén!!!
O venres entre reunións de traballo a última hora, compromisos familiares ou simplemente que non podían coas pernas, so aparecimos a adestrar Rubén, Gonzalo e eu. Fixemos o recorrido habitual pero ao revés, por iso de non aburrirnos co circuíto. Particularmente podo decir que empecei a recuperar sensacións, se ben é certo que non lle dimos moita caña( cousa lóxica a estas alturas de temporada).
Domingo 13 de xaneiro:Como choveu!!!!! Chuzos de punta!!! e alá fomos seis incoscientes (David,Edu,Dani,Rubén,Gonzalo e un servidor) a Salvaterra a facer unha tirada e 90 minutos.Hai que estar un pouco tolos para facer deporte nesas condicións, chuvia,vento,lóstregos... así é todo fixemos o previsto e rematamos todos con moi boas sensacións.

09/01/08

Novo circuito

Para cumplir co pograma de adestramentos, decidimos ampliar a quilometraxe do circuito habitual, engadíndolle un quilómetro máis.
Podedes consultar as características do circuito na seguinte imaxe.

05/01/08

Circuito de series

Esta mañán, David máis eu, fomos a realizar as medicións do circuito de Pardellas. Levanos unha roda de medición, desas que usan os topógrafros. Medimos polo centro da pista tendendo a pecharnos cara a corda nas curvas, tal e como facemos en carreira. Deste xeito medimos e marcamos con pintura laranxa os 100,200,300,400,800,1000,1500,2000,3000 e 4000 metros.
Cando estabamos en pleno proceso de medición, atopámonos cun corredor que estaba facendo o seu adestramento e que resulta que era o "autor" das medicións anteriores. Estivemos charlando un bo rato con el, e realizamos outra medición con el do exterior da pista e do interior, a diferencia é de 20 metros a máis se se realizan por fóra as series (pola corda o circuito mide 472m. e por fóra 492m).
Este rapaz foi o campión galego de 5000 en pista na categoría de veteráns (+35)o ano pasado, e tamén estivo indicándonos outras medicións que realizara, tamén con roda topográfica, tanto no interior das instalacións de Pardellas como pola zona de A Freixa. A conversa foi moi gratificante, ilustrounos sobre as características da pista de Pardellas e da súa persoal historia no mundo das carreiras. Dende logo dá gusto atoparse con xente que ten as túas mesmas afeccións e que che pode dar bos consellos.
En definitiva, xa está todo listo para facer as series, agora so falta que as pernas respondan.
Saúde e quilómetros!

04/01/08

Circuito habitual de adestramento

Este é o circuito que facemos habitualmente, se queredes máis información (distancia, perfil...) premer na ligazón que acompaña ao mapa. Se os sae a medición en millas buscade o selector para cambiar a quilómetros, tamén podedes ver o perfil premendo en "Display Elevation" e poderedes velo baixo o plano.

Xa temos programa de adestramentos

A próxima semana iniciamos os adestramentos. Buscamos en internet varios programas de adestramento para preparar a Mapoma e en principio inclinámonos por este : http://www.runners.es/rcs/planes/2006/06_Jun/tabla_248_1.htm

É un plan que esixe sair a correr catro días por semana ( martes, mércores , venres e domingo) en principio semella un tanto esixente pero decidimos adaptalo as posibilidades de cada un. O martes 8 de xaneiro empezamos e espero que as lesións nos respeten ao longo desta nova xeira de adestramentos.

Pola miña parte vou a pór todo por cumprir a planificación aínda que a día de hoxe non me atopo nas mellores condicións físicas, no último adestramento paseino fatal, non ía nin de pulmóns nin de pernas, por iso terei que tomalo con moita calma.

Seguiremos informando. Saúde e quilómetros!